جامعۃ أم القری للبنات

لالو نگر، متصل تھانہ بتیا، ضلع مغربی چمپارن، بہار

زیر انتظام: الکریم ایجوکیشنل اینڈ ویلفیئر ٹرسٹ

علم انسانی زندگی کا سب سے قیمتی اثاثہ ہے۔ قرآن مجید کی سب سے پہلی وحی جو ہمارے نبی کریم ﷺ پر نازل ہوئی، اس کا آغاز لفظ “اقرأ” سے ہوتا ہے، جس کا مطلب ہے “پڑھو”۔ یہ بات علم حاصل کرنے کی اہمیت کو واضح کرتی ہے، اور یہی وجہ ہے کہ مسلمانوں نے ہمیشہ تعلیم پر خصوصی توجہ دی ہے، خواہ وہ مرد ہوں یا عورتیں۔ انہوں نے مدارس اور علمی ادارے قائم کیے، کتابیں لکھیں، بڑے بڑے علماء پیدا کیے، اور ایک شاندار علمی تاریخ رقم کی جس کی مثال دنیا میں نہیں ملتی۔

آج کے دور میں ہر قوم اپنے نوجوانوں کو تعلیم دلوانے پر خصوصی توجہ دے رہی ہے۔ وہ قومیں جو ماضی میں تعلیمی لحاظ سے بہت پیچھے تھیں، آج کے دور میں وہ بھی تعلیم حاصل کر کے اپنے سماجی اور مالی حالات کو بہتر بنا رہی ہیں۔ لیکن حیرت کی بات یہ ہے کہ مسلمان، جنہیں قرآن نے سب سے زیادہ تعلیم حاصل کرنے کی ترغیب دی، آج تعلیمی میدان میں پیچھے رہ گئے ہیں۔

انہی مقاصد کو پورا کرنے کے لیے جامعہ کا قیام عمل میں آیا۔